Sari la conținut

Zicu Araia

Di Wikipedia, Entsiclopedia liberã
(yinitâ di la Zicu A. Araia)

Zicu A. Araia (f. 1 Alunar 1877, Samarina, Gãrtsia — m. 1948 - Samarina) fu un poet, traducãtor shi dascal armãnescu shi ministru ti culturã tu Guvernulu-a Autonomilor armãneshci dit anjlji 1917 shi 1941, shi di aistã ispete ira bãgat ahapse di guvernulu gãrtsescu deapoea[1].

S-amintã tu protlu di Alunar, 1877, tu nai ma nalta hoarã armãneascã, Samarina. Sculie ãnvitsã tu hoarã-a lui iu s-featse, pãnã tu anlu 1894 s-dusi Ghimnaziulu armãnescu di Ianina. Dupu ghimnaziu, ãnchisi ti Litseulu di Bituli.

Tu anlu 1897, njeardzi Bucureshti, ca s-u facã Facultatea di Literi. Nu u bitiseashti di-tu unã itie materialã, ma s-bagã tu Sculia Superioarã di Agriculturã di-tu Herãstrãu (1898–1899), ca bursier.

Tu 1900 s-toarnã tu Balcani, iu aflã un locu di dascal Aminciu shi Pretori. Apoaia, institutor-directoru Samarina (veara) sh-Vlahi Iani — tu chirolu a iarnãljei. Tu 1924 aprucheashti unã catedrã la Litseulu Romãnu di Grebena.

Poezia a lui shi cu-al Tache Caciona tu unã-carte furã publicate di Tache Papahagi Bucureshci anlu 1932. Tutã poezia-a lui fu publicatã di Editura Cartea Aromãnã sum titlul Fudzi harao di la noi, editsia-ndreaptã di Dina Cuvata shi Tiberius Cunia. Poezia a lui easte bãgatã tu cathe antologhia-a literaturãljei shi poeziiljei armãneascã.

Ca traducãtor le-are tradusã poeziile al George Coshbuc - trei balade, shi dit literatura anglicheascã Enoh Arden (poemã) di Alfred Lord Tenison, dit anlu 1912 tsi ira prota carte di tradutsire pi-armãneashce shi publicatã-diznão tu vivlia Fudzi harao di la noi.[2]

Avu scriatã tu revistili: Lumina (19071908), Calendarul romãnesc (1911), Lilicea Pindului (1911), Flambura (1912, 1914), Peninsula Balcanicã (1924, 19261927), Almanahul Romãnesc «Frãtsilja» (1928), Revista aromãneascã (1929), Lumina (1936-1937), Dimãndarea (1938).

Tu revista Frățiľia avu tricutã pi armãneashce poezie alu George Coshbuc, poetu rumãnescu: Moartea lui Fulger shi Nunta Zamfirei.

Operã selectivã[alâxire | modificare sursă]

  • Calea, ãn Lumina (anu 2, nr. 5) (Maiu 1904), p. 152.
  • Farã mshatã, învirinată, Lumina (anu 1, nr. 1) (Yin–Mar 1936), pp. 23–24.
  • Mash s–him armãni, Lumina (anu 1, nr. 2) (Apr–Cir 1936), pp. 29–30.
  • N–doauã sboare s–trã Chiratsa, Lumina (anu 1, nr. 4) (Sum–And 1936), pp. 23–24.
  • Si–isusi sh'Chiratsa anuoastrã, Lumina (anu 2, nr. 1) (Yin–Apr 1937), pp. 14–15.
  • Maiulu'n Pind, Calendarul aromânesc (1911), p. 51.
  • Flamburei. Urare închinată revistei, Flambura (anu 1, nr. 3) (Apr 1912), p. 4.
  • Mirãchi…, Flambura (anu 1, nr. 6–7) (Cir 1912), pp. 6–7.
  • Nu–i di unlu cã–i di dolji, Flambura (anu 1, nr. 6–7) (Alu–Avg 1912), p. 5.
  • Ieara'n Pind, Flambura (anu 2, nr. 1 (Yin 1914), pp. 1–2.
  • Toamna–n Pind, Frățiľia (1927), p. 89.
  • Nasi ali Tine, Frățiľia (1928), pp. 110–111.
  • Vanughelitsa, Lumina (anu 5, nr. 7) (Alu 1907), pp. 224.
  • Toamna 'n Pind, Lumina (anu 5, nr. 11–12) (Brum–And 1907), pp. 35–38.
  • Doi fratsi din Pindu, Lumina (anu 6, nr. 3) (Mar 1908), pp. 8–9

Advghivãsea shi[alâxire | modificare sursă]

  • Scrima, Ioan. Poetul Zicu Araia. Date biografice şi note critice asupra creaţiei literare în limba maternă / Lumina (1936), an. 1 nr. 1: pp. 9–18.

Bibliografie[alâxire | modificare sursă]

  • Faifer, Florin. Pluta de naufragiu. Samarineanul, tu Convorbiri Literare.
  • Berciu-Drăghicescu, Adina, Pariza, Maria. Aromânii în publicațiile culturale (reviste, almanahuri, calendare). 1880–1940 / Sigma (București): 2004, ISBN: 978-973-649-133-7.
  • Araia A. Zicu, Fudzi haraua di la noi, Editura Cartea Aromãnã, Syracuse, 1993, ISBN 973-96360-4-7

Referentse[alâxire | modificare sursă]

  1. Lascu, Stoica. Evenimentele din iulie-august 1917 în regiunea Munţilor Pind – încercare de creare a unei statalităţi a aromânilor. documente inedite şi mărturii. studiu istoriografic şi arhivistic // Revista Romana de Studii Eurasiatice Anul III (1-2). 2007. с. 93
  2. Cuvata, Dina. Scriitori armãneshtsã, Unia ti culturã-a Armãnjlor dit Machidunii, Scopia 2001, p. 8.