Litseulu armãnescu ti ficiori Bituli

Di Wikipedia, Entsiclopedia liberã
Litseulu armãnescu

Litseulu armãnescu ti ficiori Bituli ira adrat tu anlu 1880 shi ahurhi s-lucreadzã tu unã casã njicã cu mash unã clasã di 6 di sculari. Pãnã di 1887 ira completat cu 7 clasuri shi 90 di sculari. Poate cã atumtsea s-alãxi tu casa cama mare shi nao. Educatsia tu litseulu ira di patru shi shapte clase. Litseulu ira fundat di partea a Ministeriatlui di lucãrli externi ali Rumãnie.

Tu litseulu ãnvitsarã ficiori di populatsia armãneascã, ma tu sculia sã-nvitsã pi rumãneashce dupu programa di educatsia rumãneascã cu tsi s-featse instrumentu a propagandãljei rumãneascã ti Armãnjlji shi Meglenitslji. Di-ispetea cã tu sculia sã-nvitsarã limbile: ghirmãneascã, latinicheascã, frantsuzeascã (galicheascã), gãrtseascã, ãnturtseascã shi vãryãreascã putem s-dzãtsem cã ira facultate di filologhie. Di alantile subiecti ãnvitsarã isturie, matematica, arta, muzicã sh.a. Obiectu fu adrat tu policatichia cu dao caturi tu stil di Ascãpitatã cu fasada di ornamentsã. Sculia lucra pãnã tu anlu 1913 cãndu ira ãncljisã.


Tu litseulu armãnescu inshi fimirida Lunjina, tsi inshi cathe mes.[1]

  1. https://www.scribd.com/document/61800153/Liceul-Roman-din-Bitolia