Dzua Natsionalã-a Armãnjlor

Di Wikipedia, Entsiclopedia liberã

Dzua Natsionalã-a Armãnjlor easte dzua natsionalã-a popului armãnescu cai bãneadzã arãspãndit tu Arbinishie, Vurgãrie, Gãrtsie, Machedonie di Nord, Rumãnie shi Sãrbie. Nai ma multu sã-nsimneadzã tu staturle di iu sãntu Armãnjlji, ma di la diaspora-armãneascã. Multsã dit Armãnjlji dit Gãrtsie nu-u pricunoscu dzua-aistã.

Sutsãtsle shi organizatsiile armãneshci u-pricunuscurã tu anlu 1991.[1][2], ca dzuã pisimã tsi s-iurtuseascã pi 23 Mai[3][4], cãtse pi-atsea dzuã Sultanlu-a Imperiiljei Otomanã Abdul Hamid II u-pricunuscu Ullah Millet ("Miletea armãneascã") ti Armãnjlji unã dzuã ninte - pi 22 Mai 1905 cu documentu Irade. Dzuã ira pricunuscutã pi 23 di-ispetea cã ira shi dzua-a Indipendentsãljei ali Romãnii atumtsea.[5] Cu adrare-a miletiljei armãneascã cu agiutorlu di Rumãnie shi puterle externi, nai ma multu Austro-Ungãrie shi Imperia Ghermanã, Armãnjlji apruchearã ãndrepturi s-au biseritsi shi cama multu autonomii tu sculiile-a lor.[6] Di ispetea-a importantsãljei di pricunushceare, dzua sã-nsimneadzã pi 22 di Mai.[1][2]

Pi Dzua natsionalã-a Armãnjlor tu anlu 2002, Secretarlu di stat ali Romãnie Doru Vasile Ionescu dzãtsea tu Univerzitatea di Bucureshlji cã Rumãnia iara va s-ahurheascã cu sustsãnire-a ljei ti Armãnjlji tu Arbinishie, Vurgãrie shi Machedonie di Nord. Aistã ira dimãndare tsi nãs u-ghivãsea tu numa al Premierlu ali Romãnie Adrian Nãsase. Ma, cãndu lu-ntribara cãtse nu-lji dzãtsea shi Armãnjlji dit Gãrtsie, Ionescu nu apãndisi. Cu-atsea s-mindueashce cã autoritãtslor ali Romãnie nu vor s-misticheascã tu ashi-dzãsã Ãntribare-armãneascã, cu tsi ahurhi polimlu ti influentsã pisti Armãnjlji dit parte ali Rumãnie shi Gãrtsie tu sone-a etãljei XIX shi ahurhitã a etãljei XX.

Dupu istoriceanlu Nicola Minov, pricunushceare-a Miletiljei armãneascã ira un amintatic contra-a Gãrtsiiljei, ti-tsi Armtnjlji cai s-tsãn cu Gretslji nu vor s-u iurtuseascã, cã atsea ira unã anichisire pisti "patrida-a lor". Nica unã itie easte cã Miletea-armãneascã ira fundatã di parte-a Sultanlui otoman, ti-tsi nu lj-u apruchearã zborlu-a lui di ispete-a relatsiilor arãle anamisa di Gãrtsie shi Turchie[7].

Tu Republica Machedonia di Nord, dzua sã-nsimneadzã ca "Dzua nationalã-a Armãnjlor" (pi machiduneashce: Национален ден на Власите, tu litere latine: Natsionalen den na Vlasite) shi-a Armãnjlor pitreacã urãri pi ex. ex-Premierlu machedonescu Nicola Gruevschi[8] shi Prezidentu ali Machedonie di Nord Stevo Pendarovschi[9]. Di anlu 2007 aistã dzuã easte iurtie ofitsialã tu Machedonie di Nord shi Armãnjlji tsi bãneadzã tu Machedonie di Nord sãntu liberi di lucru dupu nomlu inshit di la Ministeriatlu ti Lucru shi Politicã Sotsiala ali Machedonie di Nord.[10]

Vedz shi[alâxire | modificare sursă]

Referentsã[alâxire | modificare sursă]

  1. ↑ 1,0 1,1 Arsovski, Sasha (23 May 2020). "Национален ден на Власите". Media Information Agency (pi machiduneashce).
  2. ↑ 2,0 2,1 "Национален ден на Власите". Televizija 24 (pi machiduneashce). 23 Mai 2020.
  3. ↑ Constantin, Marin (2014). "The ethno-cultural belongingness of Aromanians, Vlachs, Catholics, and Lipovans/Old Believers in Romania and Bulgaria (1990–2012)" (PDF). Revista Română de Sociologie. Bucharest. 25 (3–4): 255–285.
  4. ↑ Gicã, Alexandru (2009). "The recent history of the Aromanians in Southeast Europe" (PDF). The Newsletter of the Society Farsharotu. 31: 1–22.
  5. ↑ Kahl, Thede (2002). "The ethnicity of Aromanians after 1990: the identity of a minority that behaves like a majority". Ethnologia Balkanica. 6: 145–169.
  6. ↑ Kahl, Thede (2003). "Aromanians in Greece: Minority or Vlach-speaking Greeks?" (PDF). Jahrbücher für Geschichte und Kultur Südosteuropas. 5: 205–219.
  7. ↑ "Nikola Minov: Why don't all Aromanians celebrate May 23 as their national day?". Trã Armãnami Sutsatã-a Armãnjlor di Frantsie. 24 Mai 2020. Vidzutã-tu sone 27 Brumar 2020.
  8. ↑ "PM Gruevski congratulates National Day of the Vlachs". Government of the Republic of North Macedonia. 22 Mai 2013.
  9. ↑ Kolekjevski, Ivan (23 Mai 2020). "President Pendarovski congratulates National Day of Vlachs". Media Information Agency.
  10. ↑ "23 мај -Национален ден на Власите" (pi machiduneashce). Government of the Republic of North Macedonia. Vidzut tu sone 27 Brumar 2020.
Yinitâ di la „https://roa-rup.wikipedia.org/w/index.php?title=Dzua_Natsionalã-a_Armãnjlor&oldid=207156”