Dumitru Anastasescu - Diana
Dumitru (Dimitri) Anastasescu-Diana (1895-?) easte dascal shi poet armãnescu shi rumãnescu di tu Machedonie.[1]
Biografie[alâxire | modificare sursă]
Anastasescu easte aflat anlu 1895 Ohãrda, atumtsea tu Amirãriljea otomaneascã tu familia armãneascã dit Moscopole. Bitisi litseulu armãnescu Bitule. Tu anlu 1915 ahurhi s-lucreadzã ca dascal Dobrici (Bazargic).[2][3] Scria tu gazetili Rãboi, Siminãtorul, Familia, Vatra noastrã, Pasãrea albastrã, Peninsula Balcanicã, iu publicã poema-a lui "Cãntic di iarna".Easte autor a cãrtsãlor La muldzeare[4], 1936 pi armãneashce shi Tãcere grãitoare[5], 1931 pi rumãneashce.[2] Lipsea sã-scoatã nica unã carte sum titlu Sideful negru ama nu sã-shcie soartã a ljei. Tu carte La muldzeare scria unã poemã ti Moscopole - Voscopolea.[6] Nu sã-shcie cãndu muri (ma nu ira ninte di anlu 1939).
Voscopolea[alâxire | modificare sursă]
Pi dzeana-a mãnãstirlui
Stau sots cu minduearea
Mutrescu ãnghios... sh-ca furlu,
Mi-acatsã suschirarea.
Di tutã mushuteatsa
Tsi-aoa lutsi nãoarã,
Nu-armase dicãt cheatrã...
Tãsh canda nu fu vãroarã.
Iuva nu s-avde cãntic.
Mash, seara, vimntul poartã
Ãncoa shi ãnclo nã boatse:
"Voscopolea i moartã"
Referentse[alâxire | modificare sursă]
- ↑ Јовановиќ, Маринела, Нада Филева. Мал охридски литературно-научен лексикон. Охрид (Ohãrda), Градска библиотека „Григор Прличев“, 2002. ISBN 9989-911-18-5. p. 8
- ↑ 2,0 2,1 Cuvata, Dina. Scriitori armãneshtsã. Unia ti culturã-a Armãnjlor dit Machidunii, Scopia, 2001. p. 7.
- ↑ Tambozi, Justin, Entsiclopedia aromãnã, Bucureshci, 2000 fr. 8
- ↑ Carte La muldzeare tu Biblioteca digitala BCU Cluj
- ↑ Carte Tãcere grãitoare tu Biblioteca digitala BCU Cluj
- ↑ Cistelecan, Alexandru. Un poet feminin (Diana – alias Dumitru Anastasescu-Diana) // Familia, 3 Shcurtu 2022.