Vlatko Kostov

Vlatco Costov easti un fuzbaler di maniniti shi trener di tora, amintatu Shtip pi protu Yizmãciunjli anlu 1965, Shtip Machidonia, di doilji pãrintsã armãnj

Cariera

Nica ca ficior di 10 anj ahurhi s-facã trening tu FC “Bregalnitsa” di Shtip.

Protlu trener ãlj earã Mirco Nagiacov a tu parea di tinir Stoian Arsov.

Cariera di fuzbal ahurhi tu tinireasca sculii a li FC “Bregalnitsa”. Ti timlu senior a lji FC “Bregalnitsa” debitirã anlu 1984 cu 16,5 di anj tu competitsia cu Pobeda di Valandova.

Protlu gol lu deadi la competitsia “Napredoc di Chicia-Bregalnitsã”. Prota pozitsii ljieara ofanzivã a di cãndu prota ecipã u lo trenerlu Arsov ahurhi s-agioacã ca fuzbaler defanziv.

Ecipi tu cari ari giucatã

Cu FC Bregalnitsa agiuca tu liga macedonescã, shi ti a daua ligã dit SFRJ.

- 1984-1986 - FC “Bregalnitsa”, Shtip

- 1988-1990 – FC “Pelister, Bitoli

- 1990-1993 – FC “Vardar” Skopia

- 1993-1994 – FC “Locomotiv” Sofia (Vãryãria)

- 1994-1996 - FC “Bregalnitsa”, Shtip

Carierã di trener

Ca fuzbaler activ, fuzbalu lu alãsã multu ayonjea di ispeti ca s-agudi. Ma Vlatcu nu shidea arhati. S-acãtsã cu sculia di treneri manager, cari u dipisi cu suctsesu, shi acãtsã s-lucreadzã ca trener Maneger.

- 1997-98 - FC “Osogovo”Cociani- Shampion tu VMFL

- 1998-99 - FC “Camenitsa Sasa” ,Camenita Makedonescã - Shampion tu VMFL

- 1999-2001 - FC “Cumanovo” Cumanovo - Shampion tu VMFL

- 2003-2005 - FC “Bregalnitsa”, Shtip - Shampion tu VMFL

- 2005-2006 - FC “Vlaznimi”, Chicia - armãneri tu PMFL

- 2006-2007 - FC “Renova”, Tetovo – Plasman tu Intertoto cup

- 2007-2008 - FC “Turnovo” , Strumitsa - Shampion tu VMFL

- 2003-2009 – Asitent-trener la reprezentatsia makedonescã U-21

- 2008-2010 - FC “Renova”, Tetovo - Shampion tu PMFL

- 2009-2011 - Asitent-trener la reprezentatsia makedonescã

- 2010-2011 - FC “Rabotnicichi”,Skopia

- 2011-2012 - FC “Renova”, Tetovo – anchirdãsitor a cuplu ali Macedonii

- 2013 - FC “Al-Real” , Arabiea Sauditã  - Partitsipari la cuplu Royal ti prota oara tu istoria a clublui.

- 2014 - FC “Al-Real” , Arabiea Sauditã  - ãnchirdãsitor a „Al-Vahda" turnirlu tu Abu Dabi, UAE

- 2015 - FC “Bregalnitsa” Shtip - Armãneri/Existentsã tu PMFL

- 2017-2018 - FC “Renova”, Tetovo

- 2021 - FC “Ticvesh” , Cavadartsi

Premii

- Naibun macedonescu trener pi fudzbal ti anlu 2009

- Naibun macedonescu trener pi fudzbal ti anlu 2010