Naum Tahu
Naum C. Tahu (1867-1913) easte Armãn, poet, folcloristu shi activistu tu Organizatsia interna machedonescã-odrineascã revolutsionarã.
Banã
[alâxire | modificare sursă]Easte aflat tu anlu 1867 tu cãsãbãlu-armãnescu Crushuva, tu Imperia Otomanã. Ca ficior cade tu-niputeare shi armase orbu. Tahu s-dutse pisti Machedonie shi adunã cãntitsi populare. Tu anllu 1890 s-duse Sofia, iu adarã taifã. Intrã tu OIMOR shi lucreadzã ca curir a organizatsiiljei pãnã tu multe locuri a Imperiiljei Otomanã. Cãndu s-duse Scopia di-aclo li-ljea cãrtsãle tsi le scriarã revolutsionarlji tsi shidea-ahapse tu Curshumli An.
Tu anlu 1895, Sofia, tu tipoyrafia a Fratslor Spircovi Naum Tahu u-tipusi “Colectsia a cãntitslor vãrgãreshci machedoneshci populare”. Tu Colectsia are shi 40 di cãntits armãneshci. Multsã di cãntitsli sãntu ligate cu minarea-revolutsionarã tu Machedonie, shi vãrã di cãntitsle sãntu a autorlui.[1]
Muri anlu 1913 la Stashonea di her tsentralã Sofia, cãndu lucrã ca curir ti OIMOR tu Dupnitsã.
Cãnticlu di Colectsia scriat cu abetseda di azã
[alâxire | modificare sursă]Crushuva hoarã di-Armãnj Cãdzu tu gãrtseshci mãnji
Cãdzu tu gãrtseshci mãnji
Di patru ciorbagiadzi ca cãnji.
Di un preftu iconom
Nãsu easte fãrã nom
Papa Constandin marle
Nãsu easte ti-spindzurare
Nãsu easte ti-spindzurare
Tutã hoarã nu-au dirmane
Tutã hoarã nu-au dirmane
S-ciudisescu njicu sh-mare
Njicu sh-mare loa nã-thimeadzã
Tuts ti limba lãcãrmeadzã
Aushi nu s-minduiashce
Tutã hoarã nã-u minteashce
Tutã hoarã nã-u minteashce
Cã are moarte un jileashce
S-fatse Grecu ti intiresu
Nãsu easte protu Arbinesu.