Daniil Moscopoleanlu
Identitetu
[alâxire | modificare sursă]DANIIL MOSCOPOLEANLU, cu numa-ntreagã "Daniil Mihali Adami Hagi Moscopoleanlu", anyrãpsi unã carti di conversatsiuni/ acãchiseari tu 4 limbi - Lexicon Tetraglosson - cari tsãnea di unã ma mari lucrari "Anvitsãtura Ahurhitoari", carti cu haractiru bãsiricos, shtiintsificu. Frazili suntu anyrãpsiti tu: greacã, armãnã, vãryarã shi-arbineasã. Cartea alu D.Moscopoleanlu agiumsi pãnã la noi tu 2 editsiuni: unã ma veaclje, fãrã anu shi-unã ma nauã, di la 1802. Prota editsiuni fu riprodusã di Wiliam Martin Leake tu "Researches in Greece", tipusitã Londra, la 1814. Cartea alu D.Moscopoleanlu easti di ma mari simasii di-alu Cavalioti: nu suntu tricuti mashi zboarã (lexiconu), ma frazi-ntredz. Shi aflãmu unã multu musheatã shi chischinâ limbã armãneascã. La 1841, Sãrunã, s-tipusi shi-unã editsiuni vãryãreascã a Tetraglosson-lui. Shi-aestã carti avea scupo s-asprãndeascã limba greacã anamisa di populili balcanitsi. Dzãtsi D.Moscopoleanlu: "Hãrsits-vã tiniri vãryari, arbineshi shi-armãnji .../ Dishtiptats-vã ditu ahãndoslu somnu a nishteariljei/ Anvitsats limba romaicã (greaca), dada a mintiminljiljei". Ma aestã carti agiutã ma multu la dishtiptarea a identitatiljei natsionali la Armãnji, cari vidzurã cã limba loru poati s-hibã anyrãpsitã. Shi-aestã carti adusi mari-nfãrmãcari shi-avinari di la Patriarhia din Poli.
Izvuri di Nuntru
[alâxire | modificare sursă]Izvuri di Nafoarã
[alâxire | modificare sursă]Alti
[alâxire | modificare sursă]Biblioyrathilj
[alâxire | modificare sursă]- Nico Popnicola: "Arhadzits Armanji tu isturilj".