Cuzina armãneascã

Cuzinã armãneascã — cuzina traditsionalã a Armãnjlor. Armãnjlji suntu njicã grupã etnicã pi Balcan arãspãnditã pit reghionlu tut, shi cari bãneadzã tu statili Arbinishii, Vãrgãrii, Gãrtsii, Machidunii, Romãnii shi Sãrbii.^[1] Cuzina armãneascã easti sum mari influentsã a cuzinãljei mediteranã shi cuzina di Datlu di aproapea.^[2]

Tu Gãrtsii, hoara armãneascã Metsuva (Aminciu) easti cãnãscutã dupu cashlu cari s-adarã aclotsi. Nai ma cãnãscuti cashuri di Metsuvasuntu metsovone shi metsovela, tsicara ca tu hoara Metsuva s-adarã shi alti turlii di cashuri cum easti graviera. Ma mari parti di cashurli cari yin di Metsuva s-producteadzã tu fabrica ti cash "Tositsa" cari lucreadzã nica di la anlu 1958. Pi ninga adrari cash, tu hoara Metsuva s-adarã shi mãcãri tipitsi ti Metsuva, tu cari s-bagã carni, cum suntu contosuvli shi lucanits, cum shi piti cu zãrzãvats shi guguleani, supã di fisulji, a tut atsea s-mãcã cu yin adrat tu atsel loc.^[3] Nafoarã di Metsuva, pita armãneascã batsina easti popularã tu reonlu Aspropotamos, a easti publicatã shi carti ti cuzina di atsea hoarã.^[4]

Tu Romãnii, tu mãcãri a comunitatiljei armãneascã scad piti di legui, nai ma multu adrati cu prashi shi tsãgãrsiti piperchi.^[5] Armãnjlji dit Romãnii, idghea ashitsi adarã cash, a mãcã shi carni di pulji tu dzãlili di aradã, cum shi carni di porcu ti sãrbãtorli shi tu vãrã dzãli spetsiali. Adarã shi turlii turlii di mamaliga (cum easti cãnãscutã tu Romãnia), Cuzina armãneascã easti prezentã tu reghionlu di Dobrugia, ma nu shi tu alanti locuri pit Romãnii. Easti publicatã shi carti ti cuzina armãneascã tu Dobrugia.^[6]

Ligatã

Referentsã

[1] The ethnicity of Aromanians after 1990: the identity of a minority that behaves like a majority

[2] L'alimentazione come sistema alluvionale nella cultura degli aromeni

[3] Μέτσοβο, το "πέτρινο διαμάντι" -Τι πρέπει να δείτε, να γευτείτε, εστιατόρια, συγκλονιστικά αρχοντικά, 10+3 σημεία

[4] Εκδίδεται βιβλίο για την Βλάχικη Ασπροποταμίτικη κουζίνα...

[5] România în bucate: rețetele vechi și sănătoase ale aromânilor

[6] Pipiriță – Ardei prăjiți armânești cu sos de roșii și brânză

[1]

[2]

[3]

[4]

[5]

[6]