Boban Nikolov
.jpg)
Boban Nikolov (Бобан Николов) easti un fuzbaler machidonescu anamisa di ma bunjlji, giucãtori di ardãrichea di mesi. Agiucã shi tu reprezentatsia machidonesacã. S-amintã pi 28 di alunar 1994 anlu tu cãsãbãlu Shtip di dada Makedona (Vãryarã) shi tatã Armãn.
Cariera di club[alâxire | modificare sursă]
Boban Nicolov acãtsã s-agiuacã fuzbal tu cãsãbãlu natal tu clublu “Bregalnitsa”, shi mash cu 15 di anj se dusi la academia di fuzbal a cãnãscutlui fuzbaler Romanescu Gheorghe Hagi. Di cum li tricu tuti adecvati categorii di mãri tu academia al Gheorghe Hagi, elju bãgã simnãtura pi protlu profesional contract cu Romanescul prot ligashu Vitorul di Constantsa.
Pi 8 di Martsu 2013, el debitiri tu dreslu a Vitorul tu prota ligã rumunesacã, cari competitsia u chirurã di Gaz Metan Medsiiash cu scor 4:1. Protlu gol lu deadi pi 19 di mai 2013 contra Steaua di Bucurehti cãndu u bãturã cu rezultat 5:2.
Veara anlu 2015, el simnãturi contract di 3 anj cu FC "Vardar" di Scopia. Tu sezona 2017-2018 eara tu prota echipã cari anãchisi plasman tu faza di parei la Liga Europa, cu tsi elji furã protlu tim machidonescu di cãndu Macedonia u amintã independentsa, cari lu adrarã atsel lucru.
Du pu aestã el dau ori lu anchirdãsi Shampionatlu shi unã oarã Supercupolu a lji Machidonii cu FC "Vardar" di Scopia.
Pi 18 di yinar 2018, bãgã paraf pi contract cu clublu MOL Vidi dit Mãgiriea, cari maninti eara cãnãscut ca Videoton. Agiucã 3 anj ti aestu club, cari ari registratã 106 di competitsii shi 11 di goluri. Tu atsel chiro cu idghiul club lu anchirdãsi Shampionatlu shi Cuplu a lji Mãgiriea.
Pi 19 di yinaru 2021, simnãturi ti Clublu Lecie dit Italii, membru tu a duua divizia icã Seria B. Debitirã la competentsii “Lecie-Empoli”. Tu a daua parti di sezona 2020-2021 agiucã 13 di competitsii tu shampionatlu shi dau tu playoff-lu ti intrari tu Seria A. Tsicara cã avea mari mirachi nu putu s-lji agiutã a clublui.
Pi 20 di Avgust 2021, s-arucã tu Moldavia iu simnãturi ti clublu di aclu Sherif Tiraspol.
Pi 15 di Yizmãciunj debitirã tu faza di parei la Liga a shampionlor, cu intrarea tu luclu al Franc Castanjeda tu bitimi a competitsiljei. Anãchisirã rezultat pozitiv 2:0 contra Shatior Donjetsc
Carierã reprezentativã[alâxire | modificare sursă]
Boban Nikolov easti un di fuzbalerlji cu nai multi competitsii agiucati (24) ti reperentatsia Machidonescã sum 21 di anj shi un di nai ma hãrzitsli fuzbaleri ti protlu istorichescu plasman alishtei reperezentatsii la Shampionatlu di Europa ti agiucãtori sum 21 di anj , 2017 tu Poloniea.
El ari agiucatã 10 competitsii tu kvalificatsiili ti Samnionatlu European shi trei competitsii tu faza di parei a turnirlui la cari Macedonia ãngrãpsi un suctsesu shi dau chireri cu tsi fu eliminatã.
Pi 29 Maiu 2016, Nikolov lu avu alui prot meci/competentsii ti reperezentatsia senior contra Azerbeidzantu- competentsii di uspitãlji agiucat Bad Erlah, Austria.
Pi 24 di Martsu 2017 el tu a trea competitsii ti Macedonia lu deadi alui prot gol ti reprezentatsia machidonescã ti anãchisearea contra Lihtenshtain cu rezultat 2:0.
Tu cirisharu 2021, Nikolov fu cljimat tu echipa natsionalã ali Machidonii ti Shampionatlu eurpean 2020. Macedonia cu trei chiruti competitsii fu eliminata. Nikolov, dau copmetinci li acãtsã di prota shi agiuca nafaorã di alu pozitsii a tu unã intrã ca supstitutsii shi agiucã tu ardãrichea di mesi-alui pozitsii.
Titili[alâxire | modificare sursă]
2015-2016 - Shampinatlu tu PMFL cu FC "Vardar" Scopia,
2016-2017 - Shampinatlu tu PMFL cu FC "Vardar" di Scopia,
2015 - Supercup a Machidoniljei cu FC "Vardar" di Scopia,
2017-2018 – Shampionatlu cu MOL Vidi tu prota liga di fuzbal ali Mãgiriea,
2018-2019 – Cup-lu a Mãgiriiljei,