Simeon Sina

Identitetu

Baron Gheorge Simeon Sina

Familia Sina nu bãnã multi chiro pit a nostri pãrtsã, ma, ti numa a lor esti ligatã unã mari reputatsii shi aveari. Aista fumelja trapsi di Muscopoli cãtrã 1750 shi prota oarã armasira un shcurtu chiro tu Saraevo tu Bosna a dupu atsea, pisti Slavonschi Brod tu Croatsia, agiumsirã Viena. Gheorge Simeon Sina esti hilj al Simeon G. Sina shi a li Caterina Sina. Nãs easti faptu tu anlu 1782 a muri tu anlu 1850. Sina ira nsurat cu Caterina Dera di Mozda. Nu esti cunuscut cãtã aveari clirunumisi, Gheorge di tatã- su, cari multu lji avea aguitatã shi di nãsã Gheorgi nvitsã cum lipseashti s- lucreadzã. Gheorgi ira shef tu unã mari bancã. Tu eta 19 numa al Gheorgi ira sinonim ti om multu avut, shi atsea va s-armãnã tu aisti locuri a nai cama multu anamisa di Armãnjlji shi Gretslji.

Sina ira nai cama marli bancar shi un di nai cama marlji initsiator di interesili materiali dit atsel chiro. Lucra tu multi sferi dit economii, ca s - dzatsem, tu sfera di melioratsii pãnã la nai cama sensibilili transactsii dit sfera di banchi. Nãs vãrnãoarã nu lucrã cu lucri nitinjisiti. Ti nãs amintarea aveari nu lji ira scupolu a banãljei , ma, elementu a banãljei. Nãs multu lucra cu comertsii. Cum s-veadi, tutã comertsia cu bubaclju shi tutumea dit atsel period ira tu manj a lui. Tu Viena shi Peshta avea multu mari magatsinuri ti bumbac, lãnã shi tutumi. Sina multu priadusi ti nintari agrarlu shi industria. Amintã multi ahãrdziruri ti atsea tsi adra cãljuri shi tsi lu ninta transportul. Nãs ira finansier cãndu s- construia calea di her Viena - Giura. Ninti s- moarã ira un di nai ma avutslji oaminj tu Evropã. Cãndu muri alãsã etinj pradz 80 di milioani di forinti di asimi shi 29 di latifundi cu 241 735 iutri di loc cu nai ma moderni mãchinji ti lucãrli di agrar, piningã multili palãturi tu Viena shi pit alanti metropoli din Evropã.

Izvuri di Nuntru

• Personalitãts cu zãrtsinã Makedonã icã Armãnã

Biblioyrathilj

• Nico Popnicola: "Arhadzits armanji tu isturilj".