Sãmta crutsi - semnul a crutsiljei
Sãmta crutsi easti semnu a bãsearicãljei crishtineascã. Cafi un crishtin lipseashti s-u tinjiseascã sãmta crutsi. Ti atsea dzãtsi Sãmtul Kiril Ierusalimlui: "Fã semnulú a tinjisitãljei crutsi la itsi ananghi: cãndu mãts, cãndu beai, cãndu ti curduseshtsã, cãndu ti scolji, cãndu zburãshtsã icã atumtsea anda imnji, shi nu ahurhea lucurlu a tãu fãrã semnul a crutsiljei n casã, pi cali, dzua shi noapte shi ti itsi locú icã chiro".
Cum s-fatsi/s-adarã semnul a crutsiljei?
[alâxire | modificare sursă]Nai prota s-adunã pilicarlu, dzeaditlu spunitor shi dzeaditlu dit mesi di ndreapta mãnã a alanti dauli dzeaditi s-nduplicã nghios. Ashitsi adunati, treili dzeaditi s-aduc
- la frãmtea, spunãndalui "Tu numa a Tatãlui", dapoaea
- sum cheptu la pãnticã spunãndalui "Shi a Hiljiui", pi
- ndreptul numir dzãcãndalui "Shi a Sãmtului Dush", shi tu soni
- pi stãngul numir dzãcãndalui: "Amin"
Treili adunati dzeaditi u prezenteadzã Sãmta Triadha tu Tatã-l, shi Hiljlu shi Sãmtul Duh, atse di unã fãpturã, a dauli nduplicati dzeaditi simbulizeadzã pistea tu natura di daua a Hilju Dumnidzãscu. Domnul Isus Hristolu cã EL easti shi Dumnidzã shi Om.
Anãltsãnda ndreapta mãnã la frãmti cãftam a Tatãlui din tser- Mintiminiljea shi Minduirea nai ma analtã, s-ayiseascã nipututa shi slaba a nosta minti shi s-u vindicã di minduiri arali; dipunãnda mãnã sum cheptu la pãnticã nã ncljinãm a Hiljlui, ta s-ayisescã inima shi s-ãnnobileadzã emotsiili; anãltsãnda nadreapta cãtrã anumir cljimãm Sãmtul Duh; shi anãlstãnda nastãnga cãtrã anumir dzãtsem "Amin", cãndu tãxim nãinti al Dumnidzã s-nã fãtsem irbapi di semnul a crutsiljei, s-ãnvurtusheadzã puterli di trup shi s-hibã vluyisiti faptili a mãnjlor
Minãrli tsi s-facu cu ndreapta mãnã lipseashti s-hibã cu tropu, cu fronimeatsã a nu pi ayunjii shi cu alatus fãtseari crutsea.
Resursi
[alâxire | modificare sursă]- Pistea Crishtina, Revistã a crishtinjlorú armãnji di iutsido, NR. 1 2020, Bucureshti, Editura Bana Armãnescã