Proiect Avdhela
Proiectulu Avdhela – Biblioteca di Culturã Armãneascã easti unu proiectu non-profitu shi niguvernamentalu, cari ari tu scupo si-aflã, si editeadzã shi s-dhuruseascã operili shtiintsifitsi shi artistitsi tsi tsãnu di avearea culturalã Armãneascã shi tuti operili ligati di aestã aveari.
Proiectulu fu adratu pri-tu lucrulu voluntaru a persoaniloru (autori shi paree editorialã) shi a persoaniloru giuriditsi tsi au tru scupo shi lucreadzã trã xitãxirea, acrishtearea shi spãstrirea a culturiljei Armãneshti.
Fu pãrãstãsitu prota oarã la unã andamusi pi 19-li di Brumaru 2009, Bucureshti, la Clublu a Huryeatlui (Muzeulu a Huryeatlui Romãnu), iu vini poetlu shi criticu literaru Yioryi Vranâ, shi regizorli Ionuț Pițurescu shi Aleksander Zikov.
Tu proiectu intrarã shi activitãtsi editoriali pri suportu di carti (cãrtsã, rivisti, broshuri), productsie multimedia (CD audio, filmu etc.) shi va bagã pri cali shi va-ndreagã andamusi, simposioani, sculii di vearã shi programi culturali.