Casa a familiiljei Niciota

Casa a familiiljei Niciota, familia Niciota easti unã di cama vecljili shi cama avutili familii armãneshtsã Crushuva, cari di aclo vini s-bãneadzã Scopia. Nicola Niciota easti un di dzãnucljili a familiiljei Niciota, cari dupu profesii easti arhitectu.

A lui parapapãnj , Crushuva suntu vinits 1769 anlu, di Mocopole, di hoara Nicolitsa. Elji eara pãrmãteftsã shi tu atsel chiro, scljeama ninti ma multu di 150 di anj fãtsea comertsii ca parmãteftsã, tu Europa tutã, Persia, India shi tu alti locuri. Niciota eara mari familii shi cafi unã familii tu atsel chiro avea cãti 5-6 fumelji. Familia Niciota easti rãspãnditã tu Gãrtsii, tu Sãrbii, tu Machidunii, a ari shi tu Viena iu nica existeadzã casa “Fratslji Niciota (Brothers Niciota)”.

Casa di Scopia, familia Niciota u ancupãrarã anlu 1938 shi dupu stilu easti arhitecturã di ninti A doilu polim mundial ca unã renesansã tsi s-featsi tu arhitectura, nu mash aoatsi tu Machidunii, ma pit Europa tutã. Casa easti adratã di sãnãtos material, cu interesantã arhitecturã. Ari suteren shi dau etajuri, shi cafi un etaj ari ahorghea intrari.

Familia Niciota avea nica unã multu mari casã, Crushuva, cari arsi tu chirolu di rãscularea di Alju ljeau, cu treidzvts – patrudzãts di udadz shi s-lugurseashti ca easti adratã di patru frats. Dupu minduearea a arhitectsãlor, atsea casã eara unã di nai ma mushatili shi nai ma reprezentativi casi pit Balcanlu tut.