Casa a familiiljei Calaigievi
Casa a familiiljei Calaigievi, scopia easti cãsãbã tu cari s-measticã ma multi stiluri di arhitecturã. Casa a familiiljei Calaigievi, sh-pi ninga atsea tsi nu eara adratã tu stil European, eara multu mushatã, ma azã, di a ljei mushuteatsã armasi niheam.
Protili informatsii ti familia Calaigievi dateadzã di la anlu 1820. Fratslji Nicola shi Pance Calaigievi, Scopia suntu vinits di hoara Bashino, aproapea di Veles. Eara parmateftsã shi vindea yin shi rãchii. Interesantã easti s-adutsem a minti ca di prota, ca parmateftsã ahurhirã cu 100 di kilats di rãchii shi yin. Ti shcurtu chiro, a lor lucru lu lãrdzirã nu mash pit Machidunii, ma sh-pit Sãrbii, cu tsi amintarã mari aveari. Disfeatsirã ma multi cafineadz shi duchenj, a familia Calaigievi, Scopia, suntu cãnãscuts shi dupu atsea tsi prots disfeatsirã unã mari casv ti galanterii shi parfimerii, a u adusirã shi prota modã frantsuzeascã. Fratslji Nicola shi Pance Calaigievi, tu atsel chiro eara anamisa di nai ma tinjisitslji shi nai ma cãnãscutslji esnaflats di Scopia. Elji tu veacljea ciarshii di Scopia, cum shi tu tsentrul au duchenj shi magatsini di ma multi di njiilji di metri cvadrati, ma 90% di tutã atsea aveari easti natsionalizatã. Dupu atsea tsi eara multu avuts, puturã s-adarã shi ma multi cãsuri Scopia. Vodno, tu partea rezidentsialã di azã, tu chirolu di A doilu polim mundial ancupãrarã loc shi adrarã un obiectu reprezentativ tu cari familia lipsea s-bãneadzã. Ma iara, di ma multili casi, s-aleadzi casa cãnãscutã sum numa “Trandafila aroshi” a cãsãbãlui Scopia. Aestã casã easti cãnãscutã sum atsea numã ca tu uborlu ari mushatã, mari shi agrã trandafilã aroshi, criscutã sum plocili a uborlui cari scoati lilici mash tu meslu mai. A pi ninga aestã trandafilã tritsea bana shi moartea a vecljul cãsãbã tsi sh-lu aduc a minti vecljlj bãnãtori di Scopia, di ninti di trimburarea a loclui, ca aclo s-aduna boemlji di Scopia.
Casa easti adratã la anlu 1915 shi dupu a ljei arhitecturã easti altã turlii di casa traditsionalã din hoarã. Tuti elementi tu casa suntu ancupãrati nica tu atsel chiro, avigljeati cu a lor mushuteatsã shi valoari. Obiectul ari etaj di ãnpadi, un etaj, izbi shi doi mayoryats di veara. Adratã easti di friptã, sãnãtoasã pilastrã, cu stiznji groasi 80 di cm. cari priaduc veara tu casa s-hibã avrã. Pi acfi etaj ari cãti trei mãri udadz shi mari antre. A etajurli suntu ligati cu scãri di lemnu, adrati manual. Casa a familiiljei Calaigievi easti bun exemplu pisti cari chirolu sh-lu adrã a lui lucru. Ma trandafila aroshi totna va s-armãnã s-zburascã ti chirolu tsi tricu, tsi easti sh-tsi va s-yinã.