Casa a familiiljei Danabasi

Casa a familiiljei Danabasi, tsicara ca s-aflã tu tsentrul a cãsãbãlui, pi sucachea larga di Bituli, easti niheam ascumtã, ca anvãrliga di ea ari mãri leamni shi verdeatsã. Shi la aestã casã, ca cum shi la multi alti casi cu caracteristichi di veacljea arhitecturã, dominantu easti stilu gãrtsescu tu a ljei construari, cu dau etajuri shi izbã. Ashitsi ca di largu poati s-ducheascã shi s-veadã mãrli stuburi tsi u poartã greatsa, adrati di cimentu, cu largã shi mari bãlconi tu intrata cu gardu di cimentu, njits bãlconj cu gardu di her shi cu vitraj di nuntru. Tãvanea tutã u mushuteadzã chindimati cu ornamenti, adrati cu purintu color, cu dezen di lilici, tsi priadutsi casa di tu intrata dealihea s-ãnghilicieascã. Aestã casã dupu A doilu polim mundial eara natsionalizatã shi tu ea eara bãgati scamnili a ma mari numir di partiili polititsi di stat, Unia sotsialisticã a tinirlor dit Machidunii shi multi alti. Azã aestã casã easti scamnu a ma marli numir di partii polititsi, ashi ca nica nu s-shtii desi aestã casã va s-hibã turnatã a nicuchirlor icã nu.