Casa a familiiljei Balaban

Casa a familiiljei Balaban easti unã di nai ma cãnãscutili casi tu cãsãbãlu Bituli. Nucuchirlu a casãljei, d-nul Balaban eara yiatur, hirurg, cari adra ãnhirise. Easti faptu tu Ermenia, a Facultatea ti meditsinã u dipisi Constantinopol. Aclo eara tu slujba di ascheri, sh-di aclo, ca yiatur, lu pitricurã Prishtina. Dupu atsea s-dusi Tirana, sh-tu soni vini s-bãneadzã tu Machidunii, Bituli. S-ansurã cu unã featã Armãnã, cari eara sor a cãnãscutlui yiatur di Bituli, d-nul Osmanli. Elji avurã patru ficiori. Nai ma marli, Crate, eara Ambasador Tirana, alantu eara yiatur, a fratili Ghiorghi bãna Scopia. Casa easti adratã la anlu 1900, shi s-lugurseashti ca easti unã di nai ma mushatili casi armãneshtsã tu aestu cãsãbã. Easti zbor ti veaclji casã, cu veaclji arhitecturã, cu stil european, cari easti avigljeatã cu Nomlu ti avigljeari a veclilor arhitecturi shi obiectu tu cãsãbãlu Bituli. Pi fasada, di ninti s-aflã ornamenti cari lu trag intereslu a cafi unui visitor. Pi balconea ari gardu di her, a scãrli tu intrata a casãljei suntu adrati di marmurã. Ushea tu intrata easti dubl Casa easti adratã la anlu 1900, shi s-lugurseashti ca easti unã di nai ma mushatili casi armãneshtsã tu aestu cãsãbã. Shi easti adratã di her, yilii shi lemnu. Scãrli di nuntri idghea ashitsi suntu adrati di lemnu, a balconea pi prota patomati ari terasã cu gardu di ciumentu shi her. Vitrajlu tu casa zburashti ti chirolu cãndu s-adrã aestã casã, cari ari suteren, dau etajuri shi un etaj sum ciãtia. Casa undzeashti ca un muzei, cu dau sculpturi shi easti monumentu di mari importantsã ti cãsãbãlu Bituli.