Armãnjlji suntu unã veaclji mileti pi Balcanlu, cari sh-au limba a-lor, cultura a-lor, cum shi portu shi folclor a lor, cari s-aledzi di folclorlu la alanti milets cari banedzã pi Balcan.
Numtã armãneascã eara tsiva tsi s-fãtsea la Armãnjlji mamulti dzãli. Armãnjlji avea multi adets cari li fãtsea la casa la ghrambolu ca shi la casa la ãnveasta nau. Aoatsi va li spunem cantitsili cum shi vara di adetslji cari li fãtsea shi li cãnta Armãnjlji la unã numta armãneascã.
Oaminjlji s-aduna tu casa a numtarlui, s-cljema la ghrambolu. Numtarlu lji ashteapta, s-ghinueashti cu tuts. Dunjeaua s-adunã ãncasã shi ahurhescu cu adetslji.
Nunlu arucã pãrã tu tãvã shi depoaia s-ljea tuts cu cãntic pi aradã, shi arucã pãrãdz tu tãvã. Pãrãdzlji lji adunã furtatlu. Furtatlu poati s-lji ãmpartã pãradzlji shi cu suratili cari multu lji agiutarã .
Aclo iu s-chirniseashti hlambura, nunlu easi tu ubor cu hlambura shi lu acatsã protlu cor. Nunlu singur sh-aleadzi cãntic, a cu atsea shi gioclu. Nu-ari aradãi cari cãntic va-l cãntã nunlu .Un di cãntitslji cari s-cãntã tora, easti shi canticlu al Cola:
La casa ali ãnveasta nau, ãnveasta easti tu un uda (udai), cu soatsãli a-ljei, shi nu easi tu migdani pãnã nu s-duc socur-su shi soacãr-sa ta s-u veadã.
La casa a featiljei, di partea a cuscãrlji, ninti agiungu pãrintsalji a ghrambolui. Mã-sa shi fen-su a featiljei lji ashteaptã cuscãrlji shi s-ghinuescu, sh-oarã un cu alantu, sh-fac crutsea cã tora s-facu a-lor, sh-oarã ti ambãrilji a nauljei preaclji (nauljei casã). Depoaia u scot shi ãnveasta nau, dininti a socur-sui shi a soacãr-sai.
Tu idghea oarã agiungu shi cuscãrlji tuts. Aclo iu s-meastic tuts cuscãri, lji cãntã a ãnveastiljei ta s-easã s-u veadã tuts shi s-u ljea cu ei. Atumtsea lu cãntã cãnticlu:
La casa a grambolui s-fatsi durusearea. Ãnveasta da doarã a cuscri-lor. Cuscãrlji, cu nunlu ãn cap, ahurhescu corlu a doarãlor shi a ãnveastiljei. Ãnveasta giocã iarã , cu ghrambolu deadun, cu cãnticlu:
Dupã atsea ãnveasta u duc ãntre-apã, deadun cu ghrambolu, cu suratili shi furtatlu shi dupã ei cuscãrlji shi numtãrlji tuts. Aclo iu s-duc, numtarlji cãntã.
Armãnjlji pistipsea cã atseali meari adutsea tihi shi ti niansuratslji, ca shi ti featili nimãrtati, ca vrea s-maritã shi s-ãnsoarã. Soacra, chifliticã cum easti, arucã bãmboani shi alti dultsenji, ta s-lã hibã dultsi treaca, a ghrangheadzlor. Iara s-acatsã cor iu giocã tuts.
