Adets la tinirlji ficiori di la shapti pana la optusprayinghits di anji
Maninti sa shtea cari lucru alj barbatescu shi cari lucru alj muljurescu. Ficiorlji eara ti nafoara , a featili ti ancasa.Tu atsel chiro, ficiorlji shi featili , lu avea multu tinjii a parintsalor shi eara praxits s-nu la toarna cana zbor a parintsalor.
Ficiorlji di la 7 anji, ahurhea s-duca cu papanjljipi la oi, la mandzari, a featiliu armanea cu babili(maili) acasa. Di la 7 anji, ficiorlji s-acatsa cati niheamada shi di lucru.Atsea la eara ca sculii, ca sculii atumtsea nu avea.
Iarna, ficiorlji , deadun cupapanjlji , harnea njelji shi arnea mandzurli.
Veara deapoia , candu muldzea oili, ficiorlji didea tu cutar. Atsel lucru lu avea tahinarli shi serli, a dzua nu avea lucru shi s-agiuca pi patama ica sirinji, nacarijevo. Atsel lucru shi atsea sculii lu eara pana di 10-12 di anji, di candu ahurhea s-alj pitreaca singuri picurari pi la chihaljeats.Pi la chihaljats, vara s-dutsea ca raftu, vara pi la oi- ca picurar, shi vara pi la calji – ca caljaru.Pi la zanatcii, Armanjlji nu s-dutsea. Parintsalji cari avea ficiori ti picurari, inshea ampazari shi s-afla cu chihaljats a curi la lipsea picurari. Ficiorlji nu s-dutsea ampazari de parintsalji s-pazarapsea cu chihaieli. Pazarapsearea eara ti dzumitati di an pan di un an.
Un ficiuric di 12 di anji , putea s-tsana pan di una suta di capiti oi, ficior di 18 di anji, putea s-pasca cupia pan di 500 di oi, a ti una njii di capiti oi , lipsea doilj picurari di 18 ica 20 di anji. La atselj anji , ficiorlji alj pitritsea shi vuinits ma mamultsa shi alj scundea, ta snu alj ia tu armata.
Di la 7 anji, shi a featilor la didea cati niheamada lucru. Li pitritsea ti apa, arnea, spila cati vara vas. Di la atselji anji , featili ahurhea s-anveatsa s-ampilteasca. Ampiltearea li anvitsa babili 9 maili ) Featili prota ampiltea zunitsa. Prota ampiltita zunitsa , babili 9 maili 0 u ardea an foc ta s-ampiltea featili cama multu. Deapoia ahurhea s-ampilteasca parpodz, a di 10-12 di anji ahurhea s-ampilteasca shi faneli ( shi muljureshtsa , shi barbateshtsa ) ti cari eara lipsita
La atselji anji, featili ahurhea cu nicuchireshtsa lucri : sa scarmina lana, s-u traga - candu piciuri , candu cairi, ta s-torca babili (maili ) shi dadili, ca featili eara nica njits ti tutseari.
Nica di la 10 anji , feata sa scula tahinima, aprindea foclu, baga s-adara shi prandzu, vara oara shi pita frimta shi cati vara turta, ca avea oaminji tricuts. Featili avea mari tinjii a parintsalor. Candu yinea parintsalji di nafoara , tinirlji tuts cari eara an casa , sa scula amproshtsa, ta s-sheada parintili. Feata di la 15 di anji, alj la ciciorili a parinitli , candu el s-turna dixeara.
Di la 12 di anji, featili ahurhea s-torca ustura cu furca. Di cara tutsea , dadili shi babili ( maili ) urdza, shi li baga featili s-tsasa iambuli, shiacuri, batanjicapitanji, spargani.
Featili tsi turtsea shit si tsasea , di atsea parintsalji la adra doara. Di batanji lu adra fusti. Di la 18 di anji featili eara adzumti shit i martari, ma vara oara featili li marta shi cama njits, ta s-acatsa casa cama avuta. Featili nu sa shtea cu ficiorlji shit i atsea iu va li marta parintsalji, aclo s-dutsea.
A ficiorlji alji ansura di la 18 pan di 30 di anji, vara cama ayonja, vara shi cama amanat.