Irina Lucia Mihalca
1 Puizii Poezia armãneascã
Ducheşhţzâ, spuninji, tini ducheşhţzâ? - Irina Lucia Mihalca
Ducheşhţzâ, spuninji, tini ducheşhţzâ
cumu batu a noastri ininji? - duhurli,
tâţzeri di lunjinâ,
bâbuchi ţzi dau njiedzlu a banâiei
pitu chicutli a ploiurlor ditu noi.
Ducheşhtzâ, spuninji, tini ducheşhtzâ
aţzei mulţzâ şhi îmşhaţzâ fituri cari
nâ si pirindâ pitu primuveara vreariei? cutrimburări
pi arichili ţzi azbuiuramu ?
câftări, ligâturi, yisu,
dureari, azbuiuratu, mirachi, unâ nauâ aflari, unâ nauâ fţzeari!
Ducheşhţzâ, spuninji, tini ducheşhţzâ
a soartâei toari ţzi nâ chieru
cârărli tu ligânarea fârâ di biţzeari?
Un chiritu deadi di amari şhi'adră perlâ
di'tu chirolu ţzi s'ascundi tu unâ lacârmâ!
Ducheşhţzâ, spuninji, tini ducheşhţzâ
cumu batu a noastri ininji? - duhurli,
tâţzeri di lunjinâ,
mâcsânji lucri şhi minduieri,
aţzelu pufu di pâpâdii ţzi yini,
yini şhi fudzi
cu protlu hiru di vintu
ţzi va's treacâ pi la porţzâli a suflitilor a noastri.
Fârâ di mardzânji iasti suflitlu a omlui,
maşhi cându nâ bagâ tu somnu
cadialihea iasti aclo iu va -
seamni di ni aşhtirdzeari suntu
atindzerli di pitali di yisu bânatu, adânţzâ aizvuri
di'tu muşhuteaţza di buiei...
http://www.youtube.com/watch?v=EKeEY-Jl3NA
Tini....Mini - Irina Lucia Mihalca
Aşchişhurăm doii aşhi nâ si pari, Himu tu unâ minduiri şhi nu nâ videmu Triţemu tut unâ undâ spilata tu câmpurli ditu ghisi, Şhi foclu a ei tu faţa noastră creaşhti....
Ma înclo de aligânarea treastiilor, ma înclo di cheţari Maşhi putearea cându ti afli singuru tu njiurizma vintului şhi a iarabâiei...
Peanâ ţzâi numa, ca avra amariei. Tuti ahurhescu cu amarea, aţzea iermâ amari! Aşhtirnuta, ma tu mesi ti niupreari Un peaticu di amari pi cari valurli Sfrângu tu njii di cumaţzâ-soartâ!
Şhtiu câ m-as mi acaţzâ di mâna a seşhţzâ hârsitu Ştii câ m-as ti vedu va-s plângu...
Tini...Mini Primitu di noapti ţzi s-alasâ tru ghisu Fârâ ca sâ şhtiibâ cumu a mea lacrimâ vanji ti da întregu Şhi moartea v-a sarnjiudzeascâ salţzâi Dipriunâ multu ahonjia, Dipriunâ multu amânatu...
Unu cânticu tricu pitu stizma di chiatrâ- Irina Lucia Mihalca
Singuru aştipta toamna Ca şi cum va s'aşteaptâ un ghisu di ciatzâ Unâ altâ bana sau ţzi-şi va. S'nu amânji - ţzâ dzâţzi.
Pitu cârărli lunjinati di lunâ Fârâ di trupu frândzâli azboairâ câtâ alti gări, Ca unu trenu cinuşiu tu cari ti alinji fârâ ca sâ ştii Spuninji iasti multu amânatu tu chirolu a nostru?
Dipriunâ lunjina şi aumbra, dipriunâ noi azbuiuramu di didindi di chiro, Dipriunâ elu iasti steaua şi ea barca ţzi-şi caftâ mardzina.
Ia vedzâ ponjii ţzi ti ambarţzitarâ unâ oarâ cu elu, Singuri şi limunii, antunicoşi şi arşinoşi cum ţzâ iara arâslu, V-as achicâseşţzâ ma înclo, vahi multu ma amânatu...
Înclidi oclii, dişclidi palma s'ţzâ disfacu nufirii, La poali ţzâ suntu şi vintulu şi aizvurli, Unu nioru cu pitali da ploai pisti ei cu chitchi, Purtati di vintu, unu curcubeu sârpu pisti chiro şi locu.
Lunjinedzâ aclo iu nu iasti lunjinâ, Unu cânticu tricu pitu stizma di chiatrâ - greu cânticu! Ascâldatu tu lunjina blândâ a soarilui di toamnâ Imnâ pi'u treaţzi arâulu. Apa s'toarnâ la vaslu a ei.
Ascrisu inji iasti ta-s amu la tâmpla unâ steauâ şi S'azboiuru pi aţzeali patru vinturi, Spuninji iasti multu amânatu tu chirolu a nostru?
T'as ti doarâ lipseaşti S'ti andâmaseşhţzâ cu pira şi vrearea ei! Mutrea tu liniili di-tu palma ta, tu liniili ascrisi, Ditu aştiptarea a noaptiei suntu multi pâghidi, arâderi, chireri.
Apili aspealâ zboarâli, arâulu inji ciuciurâ cânticlu, Arâul di sândzâ ditu inima ta. S'minteaşhti chirolu, ahânda i'asunâ toarâli, Un cânticu daima cleamâ soarili la-andâmâsirea cu luna.
Ascultâ, ascultâ iholu di'tu casa farâ di mardzânji a chirolui, Spuninji arâu! Cari plândzi şi cari azburaşhti... Cari pi cari cleamâ şi cari pi cari caftâ - aspuninji!
Ascultâ, ascultâ şi ina la mardzina di api a chirolui, Elu iasti aţzelu ţzi cleamâ, elu iasti aţzelu cari plândzi - ascultâ! Ti voiu, ti voiu! - ţzâ aspuni. S'nu amânji - maşhi ahâtu ţzâ aspuni.
